Vawiin atangin Janjatiya Gaurav Varsh hmang dawn

Mizoram sawrkar-a Planning & Programme Implementation Department chuan Vawiin, November ni 14 leh naktuk, November ni 15, 2025 hian Aizawl-a Raj Bhawan-ah State-Level Commemoration of Janjatiya Gaurav Varsh 2025 an buatsaih dawn.

He hun hi sawrkar laipui-a Ministry of Tribal Affairs hnuaia neih tur niin Vawiin chawhma dar 10:00 atanga hun hman tan tura ruahman a ni a. Vawiin-a he hun hman turah hian Mizoram Larsap General (Rtd.) Vijay Kumar Singh chu khuallian a ni dawn a, Mizo-ram sawrkar chuan mi zawng zawng tel tura sawmin, ram tana zalenna sualtu leh Tribal tana tha thawh hlawk leh mi hmingtha te chawimawi an ni dawn a, Mizo hnam lam entir a nih dawn bakah zai ngaihthlak tur a awm bawk ang.

November ni 15 hi India ramah chuan National Tribal Day a ni a, Indian Tribal Freedom Fighter Bhagwan Birsa Mund-a pianchampha puala neih niin, kum 2021 atang kha India sawrkar chuan hemi ni pual hian hun a buatsaih thin a ni.