Mizoram-ah lirthei khu endik tir an tam

Mizoram Pollution Control Board (MPCB) chhinchhiah danin, kumin October thla chhunga lirthei khu endik zat chu a vaiin 8,354 a tling. MPCB-a thawktuten Akashvani News Aizawl an hrilh danin, lirthei khu endik 8,354 zinga 77-te chuan endikna an paltlang zo lova, lirthei khu endik zingah hian Two Wheeler tam berin 5,883 endik a ni. Kum 2024- 2025 sawrkar sawrkar kum chhungin Mizoram pumah lirthei 72,097 endik a lo ni tawh a, heng zingah hian lirthei 1,078 te chuan endikna an paltlang zo lo bawk. 

MPCB hotute sawi danin, lirthei khu endikna hi Aizawl-ah hmun nga - MINECO, Hlimen, Rangvamual, Silaimual leh Zemabawk-ah te a awm a, Transport Department hmalakna in Durtlang-a Common Services Center (CSC) awm chuan lirthei khu an endik theih thu leh Lunglei Lunglawn leh Rahsi Veng-ah te lirthei khu endikna hi bun a nih tawh thu an sawi bawk.