LADC Inthlan ah MPF ten theihtawp chhuah an tum

Thla thar Dec. 3-a Lai Autonomous District Council (LADC) inthlanpui neih tur chungchangah nimin khan Mizoram Peoples' Forum (MPF) Lawngtlai District Forum hruaitute leh Election Agent-te chu an thukhawm.

He thutkhawm Lawngtlai DC Conference Hall-a neih hi Lawngtlai District Election Officer Donny Lalruatsanga chuan kaihruaiin dik tak leh tha taka inthlanna awm turin MPF-te an pawimawh thu leh thawhhona tha zawk a awm zel a beisei thu a sawi a. Inthlanna ah MPF ten theihtawp chhuah an tumna fakawm a tih thu sawiin, rah tha a chhuah ngei a beisei thu a sawi bawk.

He hunah hian MPF hruaitute chuan inthlanna fel fai leh thianghlim tak a awm theih nan theihtawp an chhuah tur thu an sawi a. Inthlanna turah thuchah siama Kohhran tinah puang tura hmalak a nih tur thu an sawi a. Party tin Office-ah leng a MPF leh Political Party-ten thawhhona thuthlung  an ziah tawh zawm ngei tura ngen an nih tur thu sawiin, vote thlak ni-ah pawh duty ngei an tum thu an tarlang a. Sum leh pai leng nasa lutuk tur ven kawngah theihtawp chhuah an tum thu sawiin, MCC kenkawh kawngah pawh theihtawp an chhuah tur thu an tarlang bawk.