Inter-Departmental Sports zo

Ni hnih (2) chhung awh Serchhip Town Inter-Departmental Sports 2025 chu nimin khan zawhfel niin he Sports kharna hun hi Serchhip Bawrhsap Paul L. Khuma chuan a hmanpui a ni.
Serchhip Officers’ Club (SOC) ten an buatsaih Serchhip Town Inter-Departmental Sports 2025 hi nimin tlai khan Serchhip Sports Complex-ah a kharna hi neih a ni a, Serchhip Bawrhsap Paul L. Khuma chuan SOC ten hetiang hun an buatsaih chu lawmawm a tih thu sawiin, sawrkar hnathawk te karah inthian thatna leh thawhhona tha thlentu ni ngei se a duh thu a sawi bawk a ni.

Niminpiah atanga neih Serchhip-a sawrkar Department leh Office hrang hrang-a thawktute infiamna hrang hrang hmanga an inelna ah hian item chi 7-ah inelna neih a ni a, sawrkar Office leh zirna In te chu Group 8-ah then niin a pumpui-ah Group 4 chuan Gold 5 lain an Champion a, Group 4-ah hian PHE Department bakah GHSS, Land Resources Soil & Water Conservation, MRB Chhiah-tlang, Chhiahtlang P/S-I, Ramlai M/S. Vengchung P/S, Govt. PCR H/S leh Govt. Senior Secondary School Chhiahtlang te an tel a ni.