Kolasib District-a Dilzau-H ah ramriak inthahna a thleng

Kolasib District chhung Dilzau-H khuaa mi huan enkawla awm Myanmar lam mi Lalhlimpuia chuan a ram riahpui Myanmar lam mi bawk Tincheuva chu nizan hmasa khan a that nia hriat a ni.

    Thudawn danin Hortoki VC ram chhunga Bawk pakhat, Dilzau-H bul huan thlama cheng Lalhlimpuia (55) leh Tincheauva (60) te hi khua atanga KM 6 vela hlaah mi huan enkawlin Thlam pakhat ah an cheng dun a, nizan hmasa khan zu te in dunin an inhnial thinrim hnuah he tualthahna hi a thleng nia hriat a ni. Lalhlimpuia hi an awmna ral lehlam-a Thlam pakhatah nizan hmasa dar 11:00 vel khan kalin Cheuva a thah thu leh a nghawng a tan thu a sawi a, Thlam-a awmte chuan Lalhlimpuia hi zu a ruih avangin a zurui thu hlaah an lo ngaihsak a, amaherawh chu nimin zing-a Thlam-a an va kal chuan Tincheauva ruang hi an hmu a, a nghawng-ah na taka sah niin a lang a, a Awm bawr leh a ban-ah te pawh kutthlakna hnuhma a awm nia sawi a ni. Dilzau (H) atanga Police Station hnai ber Bairabi Police te chu he thil thleng hi hriattir nghal niin Police te chu a hmunah an kal nghal a, tualthattu a puh hi an man nghal bawk a ni.