Kawmzawl-ah Leitlangpui Music Festival neih rem ti lo

Zonuna Kawlni (LENKAWL) • November 7, 2025 • Comments • Mizoram

Lunglei-a Pukpui khawtlang hruaitute chuan Kawmzawl-ah Leitlangpui Music Festival buat-saih rem an tih loh thu Lunglei Bawrhsap hnenah an thlen nia thudawn a ni.

Pukpui Local Council leh All NGO te nimin a thukhawm chuan an Veng huamchhunga Event liantham buatsaih turah khaw-tlang hruaitute biakrawn an ni lo chu lungawi thlak loh an tih thu leh inpalzutna ah an ngaihthu Lunglei Bawrhsap hnenah thlenin, Kawmzawl-ah Leitlangpui Music Festival buatsaih rem an tih loh thu an sawi a, rem an ti lo chunga Leitlangpui Music Festival kaltlangpui a nih chuan buaina leh harsatna awmthei thilah mawh an phurh loh tur thu an sawi bawk.

Leitlangpui Music Festival 2025 hi November ni 13-15, 2025 (Ningani-Inrinni) chhung hian Pukpui Kawmzawl-ah buatsaih tura ruahman a ni a. Zai, lam, hnam thil leh kutthemthiam thil phochhuahna, thuam leh ei leh in chi hrang hrang zawrhna leh intihhlimna chi hrang hrangte buatsaih leh tura ruahman a ni.