Inhnekna a hliam tuar Boxer boral vuiliam a ni

Zonuna Kawlni /

Hmunpui khaw Boxer Lalruatdika chu an inhnekna lama a hliam tuar vangin Pathianni khan a boral nia hriat a ni a, nimin khan an khua ah a ruang hi vuiliam a ni.

Thudawnna in a tarlan danin kum 20-a upa Lalruatdika s/o Zolawmtluanga, Hmunpui hi Grassroot Boxing Promotions leh Crown Boxing Promotions te buatsaih Mizo-ram-a Boxing inelna, ‘Battle in Mizoram Super Fight Series 4’ neih mek ah a tel a, Zirtawpni (Nov. 14, 2025) zan khan Aizawl Falkland-a LPS Arena-ah Super Featherweight-ah Eric Lalthang-kima nen inhmachhawnin, Round 3-na ah a khingpui hian a chal-ah a hnek fuh avangin nikhaw hre lovin a tlu a, Greenwood Hospital panpui nghal a ni. Damdawi In panpui a nih hnu hian Doctor-in an enfiah hnuah a Thluak thisen zam lian a chat tih hriat niin a Thluak pawh a vung nia sawi a ni a, hei vang hian zai nghalin ICU-ah Ventilator nen enkawl zui mah se Pathianni zan dar 9:20 khan a boral zui ta a ni.

Lalruatdika hi Boxer tha leh kum lamah pawh hmalam beiseina sang tak nei a ni a, LPS Pro Fight 2024-ah khan Bantamweight-ah Semi final thlengin, Professional huanga lut tura inbuat-saih mek a ni a. A ruang hi Aizawl-a an chenna In-a lak a nih hnuah Hmunpui-ah hian lak niin nimin khan vuiliam a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »