Hnamze hrang leh khawtlang nunzia inzirtir dan zirho

Mizoram University-a Department of History & Ethnography buatsaihin ni hnih (2) awh tur North East India-a hnamze hrang hrang ten an nunzia inzirtir dan zirhona chu tun thla ni 24 leh 25 khan neih a ni. Indian Council of Historical Research (ICHR) bultum he Seminar hi Mizoram University-a Dean’s Seminar Hall, School of Social Studies-ah neih a ni a, Hmakhawsang atang tawh a Tribal leh hnam te zawk te nundan leh nun-phung bakah hnamzia an lo inzirtir dan phochhuaha chipchiar zawka zir chu he Seminar tum ber a ni a, tunlai zirna kalphung leh zirna In ah te chawiluh chu a tum a ni.

He Seminar hawnna hun hi Mizoram University-a Department of History & Ethnography Head Prof. Kishore Gaikwad chuan kaihruaiin Mizoram University-a Vice Chancellor, Prof. Dibakar Chandra Deka chuan khuallian nia hmanpuiin a hawng a, Prof. K. Robin, Department of History & Ethnography, Mizoram University leh Prof. H. K. Laldinpuii Fente, Dean, School of Social Sciences, Mizoram University, te chu khual zahawm an ni a, Prof. Lalngurliana Sailo, Convener chuan a khuhhawng bawk a ni.