Heritage Centre sak mek dinhmun thlirhona nei
He thutkhawm Serchhip DC Meeting Hall-a neih ah hian Serchhip Kawlri-a Heritage Centre sak-a hna viltu PWD Engineer-te report a ngaihthlak a ni a, Site Engineer Edenthara chuan hnathawh tawh chinte tarlangin, Serchhip Heritage Society aiawh te pawhin an hmuh dan an sawi a, he thutkhawm a tel te hian hna kal mek-a an ngaih pawimawh leh an hmun dan hrang hrangte pawh an sawi bawk a ni. He thutkhawm kaihruaitu Bawrhsap Paul L. Khuma chuan Serchhip Kawlri-ah khawtlang tana ro tling, asset tha a ding dawn tih sawiin, thahnem ngai taka an zavaia tangho a, a tha thei ang bera a hmunhma te buatsaih turin a chah a ni.
Serchhip Kawlri-a Heritage Centre sak mek hi Mizoram Chief Minister leh Serchhip Bialtu MLA Lalduhoma bultuma hmalak a ni a. Ser-chhip hmun hlui leh hmun pawimawh humhalhtu pawl, Serchhip Heritage Society-te nen hmalain, chak taka hnathawh mek a ni a. Tunhnai khan Mizoram State Project Monitoring Committee te pawhin an hmalakna hi a hmunah enfiahin he hna thawktute pawh huntiam chhung ngeia an hna hi zofel turin an lo hrilh tawh bawk a ni.