Mamit District-ah buhfai phurtute tlan duh rih lo

Mamit District kawng chu lirthei tlan hleih theih loh khawpa a chhiat avanga siamthat phutin nimin atang khan Mizoram Truck Driver’s Association chuan buhfai phurh an chawlhsan a, MTDA President H. Laldingliana chuan  hun rei tawh tak atang khan kawng khuar nasa leh chhe lutuk avangin tlu lek lekin an tlan fo tih sawiin, buhfai an phur thin zatve vel tunhnaia an phur chung pawn kawng khuarah an la tang tho a, an lirthei in a tawrh bakah nunna atan a hlauhawm avangin buhfai phur Driver te zingah tlan ngam an awm tawh lova, MTDA Committee chuan thuneituten kawng khuar zualpui an hnawh sak hma chu tlan tawh loh an rel tih a sawi. Tun dinhmunah Mamit District  kawngchhia avang hian buhfai phur truck 6 chu tlan ngam lovin an ding mek niin a sawi bawk.