Lunglei-ah RTI Week hmang

October ni 5 atanga ni 12, 2025 inkar chhunga Right to Information (RTI) Week hman mek pualin nimin khan Lunglei DC Conference Hall-ah hun hman a ni a, he hun hmanpuitu Lunglei Addl. DC Rochuangkimi Khenglawt chuan RTI Act chu sawrkar inrelbawlna leh hna thawhna kawnga mipui chanvo siamsaktu, langtlang leh felfai taka sawrkar a kal theihna tura hmanraw pawimawh tak a nih thu sawiin, mipuite hriat duh angte dik tak leh a hun taka pekchhuah chu sawrkar hnathawk te tih tur a nih thu a sawi. He hunah hian Lunglei DIPRO & RTI District Resource Person C. Lalhruaitluanga chuan RTI Dan (Act & Rules) leh a chungchanga hriat tur pawimawh hrang hrangte a zirtir bawk a ni.