Final-ah Thenzawl South VC

GIG Motors Inter-Village Volleyball Tournament-2025 khelh mekah Thenzawl South VC Team te chuan Hmeichhe inelna ah Final an lut ta.

Aizawl Mualpui Salem Veng-a R. Dengthuama Indoor Stadium-a GIG Motors Inter-Village Volleyball Tournament khelh mekah hian nimin khan Semi Final khelh niin Hmeichhe inelna ah Thenzawl South VC hian an khingpui Thingdawl VC-I te chu 3-2 a hnehin Final an lut a, Set hmasa berah Thenzawl South VC hian 25-12 a set lain Set hnihna ah Thingdawl VC-I in 23-25 in set an la ve leh a, Set thumna pawh 22-25 a lain Set lina chu Thenzawl South VC ten 25-1 in an la ve leh thung a. Deciding-Set khelh niin Thenzawl Sotuh VC hian 15-10 in hnehna an chang a ni.

Hmeichhe Semi Final inkhel dangah Bungkawn LC chuan Dawrpui Vengthar LC chu 3-2 a hnehin Final an lut bawk a, heti hian Thenzawl South VC leh Bungkawn LC te hian Final an khel dawn a ni.

Nizan khan Mipa Semi Final hi khelh ve leh a ni a, he thu buatsaih lai hian inkhel zawhfel ala ni lo a, Khawhai VC leh ITI VC te inhmachhawn in Nursery LC leh Hunthar LC te an inhmachhawn bawk a ni. Vawiin hian Final khelin zawhfel a ni ang.