Damchhung tang tur 55 awm

Zonuna Kawlni /

Mizoram-a Jail hrang hrangah damchhunga Jail tang tur (lifer) mi 55 an awm mek a, October ni 1, 2025 thleng khan Mizoram-a Jail hrang hrang 10-ah mi tang (prisoner) 1,905 an awm a, Tang awm thei zat (Jail Capacity) aia mi tang tamna chu 409 a tling a. Hetihlai hian Central Jail leh Jail dang 4-ah mi tang an khat vek a ni.

Prison Department tarlan danin tun dinhmunah Mizoram-ah Jail 10 awmin hei hi mi 1,496 awm theihna a nih laiin, tang awm mek zat chu 1,905 an tling a. Central Jail, Aizawl chu mi tang awm tamna ber leh Jail lian ber niin mi tang 480 awm theihna a nih laiin October ni 1, 2025 thlenga tang awm zat chu mi 936 an tling a, tang awm thei zat an pelhna chu 456 a ni. Mi tang 96 awm theihna Aizawl-a Central Women Jail-ah tang 147 an awm mek a. District Jail, Aizawl chu tang mi 90 awm theihna a nih laiin tang 146 an awm a. Mi tang 109 awm theihna District Jail, Lunglei-ah tang 144 an awm bakah mi 105 tan theihna District Jail Champhai-ah mi 196 an tang bawk a ni.

District Jail, Siaha chu mi 92 tan theihna niin Oct. 26 thleng khan tang 63 an awm a, Tang 134 awm theihna District Jail Kolasib-ah mi100 tangin mi 128 tan theihna District Jail, Serchhip-ah tang 80 an awm a. District Jail, Lawngtlai chu mi 98 tan theihna a nih laiin mi 26 an tang a, District Jail, Mamit-ah mi 96 tang theiin tang 67 an awm bawk a ni.

Prision Department tarlan danin, tun din-hmunah Mizoram-a Jail hrang hrangah damchhung tang tura hrem tawk mi 55 an awm mek a, chung mite chu Central Jail, Aizawl-ah mi 54 tangin District Jail, Lawngtlai-ah mi pakhat a awm bawk a. Mizoram Jail-a tang mek mi 1905 zinga 1177 te chu thubuai ngaihtuah lai an ni a, tang tura rel 272 leh hrehawm taka tang tura rel 386 an awm bawk a, nu te tan avanga naupang tang mi 15 an awm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »