Buyers Sellers Meet neih tum

Mizoram sawrkar Flagship Programme hnuaia kuthnathakatute'n eizawnna hlawk zawk an neih theih nana 'Thlaithar market' tihchangtlun kawnga hmalakna pakhat atan kumin kumtawp lam hian ‘Buyers Sellers Meet’ buatsaih tum a ni a, hemi atan hian nimin khan Mizoram Agricultural Marketing Board (MAMB) kaihhruaiin thutkhawm neih a ni. Ruahman dan chuan Mizoram sawrkarin thlai a thlanchhuah bik pali te bakah thlai leh thilsiam chhuah dangte tan market tha zawk zawn belh turin December ni 5 leh ni 6 chhung hian ‘Buyers and Sellers Meet’ hi buatsaih tum a ni a. Hetah hian kuthnathawktu ten an thlai tharte hlawk zawka hralhchhuahna tur an hmuh theih nan State pawn atanga Buyer te kokhawmin, Farmer-te nen inkawma thawhhona tha leh ngelnghet siam a nih theih nana ruahmanna hi siam a ni.