Bana Kaih (Handholding) Scheme Phase-II dil mek

Thla hlui September ni 19-a tlangzarh tâk Bana Kaih (Hand-holding) Scheme Phase-II hnuaiah nimin zing thleng khan Loan Component-ah dilna 87 leh CM Special Package-ah dilna 15,889 a lut tawh a; Bana Kaih hnuaia dilnate hi sawrkara a thlen chinte online hmangin a check zel theih tih hre turin sawrkar hotute chuan Bana Kaih hnuaia dilna thehluttute an ngen.

Bana Kaih Phase-II hi September 19, 2025 khan tlangzarh a ni a, Akashvani thudawn danin Bana Kaih Phase-II ah hian ni 16 chhung, nimin zing thleng khan Loan Component-ah dilna 87 a lut tawh a, CM Special Package-ah dilna 15,887 a lut tawh bawk a ni.

Handholding Phase-II ah hian Implementing Department 19 an awm a; dilna hi India khua leh tui, Mizorama khawsa, kum 18-60 inkar te'n an dil thei a, sawrkar atanga hlawh la te tan dil theih a ni lo a, loan dil tur hian CIBIL Score 700 aia tlem tan dil theih a ni lo bawk.

Bana Kaih hnuaia Loan Component leh CM Special Package diltute hian an dilna in a thlen chinte hi online hmangin Bana Kaih portal-ah an account atangin an chhui zui thei tih sawiin sawrkar hotute chuan, an login credential hmangin an monitor theih thu an sawi a, an password-te chhinchhiah reng turin an chah a ni.