AIHM 2026 neih leh a ni dawn

Sports & Youth Services Department changtu Minister Lalnghinglova Hmar chuan nimin khan New Delhi-a Mizoram House-ah thuthar thehdarhtute kawmin ‘Aizawl International Half Marathon (AIHM) 2026’ chu February 14, 2026 khian neih leh tum a nih thu a sawi a. Sports & Youth Services Department leh Innovations India tangkawpa buatsaih Aizawl International Half Marathon chu kumin April thla khan a vawi khat nan hlawhtling taka neih a nih thu sawiin, AIHM 2026 prize pool-ah cheng nuai 20 aia tlem lo dah a nih thu a sawi. Aizawl International Half Marathon hi ‘Athletics Federation of India’ pawmpui niin Half Marathon (21.1 km), Open Race (10 km), Fun Race (5 km) bakah Junior leh Senior/Veteran Category te a tel ang.