Mizoram Bana Kaih hnuaia hmalakna thlirho a ni

The Mizoram Bana Kaih (Hand Holding) Scheme hnuaia Serchhip District chhunga vil zuitu Monitoring Committee chu nimin khan Serchhip DC Meeting Hall-ah thukhawmin an hmalakna an thlirho.
    He thutkhawm hi Serchhip Bawrhsap Paul L. Khuma chuan kaihruaiin Agriculture, AH & Vety, Commerce & Industries, Fisheries, Horticulture, Land Resources Soil & Water Conservation, Sericulture, UD&PA Department aiawh Official te an tel a, heng Department hrang hrang aiawhte hian an Department kaltlanga Hand Holding leh CM Special Package hnuaia Progress Partner an vil zui dan leh an dinhmun tlangpuite a lem nen an sawifiah a. Sawrkarin Bana Kaih (Hand Holding) Scheme hnuaia Progress partner te tih tur a bituk te an ti tha tawk em, he Scheme hi an hmang tangkai em tih te leh an dil laia an dil chhan te a tak takin an kalpui em tih te Department tin hian endikin heta an hmuh dan te, harsatna awm thei te leh awm mek te, an mutan te leh progress partner te hnathawh dan te he hunah hian an tarlang a ni.