Leimin-ah Biak In chim

Zonuna Kawlni (LENKAWL) • September 12, 2025 • Comments • Mizoram

Thingfal Mamte Veng-a Baptist Church of Mizoram (BCM) Biak In chu a thlanga Motor kawngpui, Lawngtlai panna NH-54 kawng laih avanga leimin ah nimin khan a chim a, mihring thi leh hliam an awm lo. Helai hmun ah hian lei hi min hlauhawma a awm avangin NHIDCL te chu Retaining Wall sang tha tak siam tura ngen an lo ni tawh thin a, sang vak lo siamin nizan hmasa khan nasa takin Biak In hi a khi a, a nasat zel avangin nimin khan bungrua thiarchhuakin an thiarchhuah fel hnu lawkah Biak In hi leimin hian a chimpui ta a ni.