Khuarel chhiatna-a thi tam

Mizoram-ah kum 2020-21 atanga kum kal mek 2025-26 chhungin khuarel chhiatna thleng vanga thi mi 105 an awm tawh. Disaster Management & Rehabilitation (DM&R) Department chhinchhiah danin, hemi hun chhunga khuarel chhiatna thleng vanga thihna hi Aizawl District-ah a thleng tam ber a, an vaiin mi 72 an thi a. Hnahthial District-in dawtin mi 12 an thi a, Lunglei leh Kolasib District-ah mi 4 ve ve, Siaha District, Serchhip District leh Khawzawl District-ah te mi pakhat theuh an thi bawk. Champhai District leh Mamit District-ah mi pathum ve ve thiin Lawngtlai leh Saitual District-ah mi 2 ve ve thi an awm bawk. Heng khuarel chhiatna thleng vanga thi chhungte hnenah ralna mi pakhat ah cheng nuai loi (4) zel pek an ni a, hetihlai hian kum 2025-2026 chhunga Cham-phai District a nunna chan mi pathum (3) te erawh raltlan an nih avangin ex-gratia pek an ni lo thung.