By-pass road laih thlirho

Zonuna Kawlni (LENKAWL) • September 18, 2025 • Comments • Mizoram

Chief Minister Lalduhoma chuan nimin khan a Pisa-ah Aizawl Western Side By-pass road laih mek thlirpuiin thutkhawm a neihpui a, Aizawl Western Side By-pass road hi PM DeVINE sum cheng vbc. 500 senga thawh tur niin he hna thawk tur hian RG Buildwell Engineer Limited chu thlan an ni a. Kawng hi kilometer 45-a thui niin tun thlengin Physical Progress hi 13.70% an nei tawh a. Kum 2028 kumtir lama zo hman tura beisei niin Contractor hian an thawh zawh atanga chhiara kum 5 chhung an enkawl zui ang. Leivung paihna hmun a vaiin 23 vel neih a tul a, a ruala Dumping site proposal hi siam a harsat avangin hna an thawhna hmasa tana an dumping site tur hmun pasarih chu pawmsak tawh an ni.