Serchhip Sub-Hqrs. YMA chuan nimin khan Sub-Hqrs. YMA Executive Committee (SEC) Meeting neiin kumin October thlaa Sakawrdai-a YMA Inkhawmpui Lian vawi 75-na neih tur chungchang an sawiho a, Agenda atan Inter-Branch YMA Football Tournament kalphung chung-chang leh Ramri hung chungchang thlen nise tiin, YMA Kumpuan atan ‘Ruhhlo Do’ rawt nise an ti a. Kum 2027-a YMA Inkhawmpui Lian thlen dil chungchang chu Branch te an rawn hnuah dil rih loh mai nise an ti bawk a. Hei bakah hian YMA hruaitu hlun chawimawina dawng thei mi 10 te chu Central YMA-ah dilpui nise an ti bawk.
Nimin-a Sub-Hqrs. YMA SEC thukhawm hian niminpiah mai-a Entlang Social Forestry Tuikhuah-a vanduaina thleng chungchang pawh sawihoin, hun lo kal zel turah fimkhurna leh invenna atana tul dang te chu Environment Forest protection Committee in lo enzui se an ti a. Serchhip Bazar-a Police Beat Post hawn a nih theihna tura an hmalakna chu kalpui zel an rel bawk.
