Volleyball Season Opening Tournament tan

Serchhip District Volleyball Association (SDVA) buatsaih ‘Season Opening Tournament’ chu nimin khan New Serchhip Volleyball Court-ah khelh tan a ni.

SDVA Season Opening Tournament-ah hian Mipa-ah Team 18 telin Pool 4-ah then an ni a, Pool pakhat-a awm te zel hi an inhmachhawn kual hnuah point hmu sang pahnih theuh ten Quarter Final an khel dawn a ni. Hmeichhia-ah Team panga (5) telin Pool pahnih ah then an ni bawk a, Pool pahnih atang hian point hmu sang pahnih ve ve ten Semi Final an khel dawn thung a. Ningani khian Mipa Quarter Final khelin Zirtawpni ah Mipa leh Hmeichhia Semi Final khelh a ni anga, Inrinni khian Final khelin zawhfel a ni ang.