Tiranga Mela leh Tiranga Concert khuhhawnna Aizawl-ah Art & Culture Minister hovin neih a ni

Zonuna Kawlni /

Art & Culture Department huaihawtin nimin khan Aizawl-ah ‘Tiranga Mahotsav – Tiranga Mela leh Tiranga Concert khuhhawnna’ neih a ni.

India khua leh tuiten ram hmangaihna thuk zawk an neih theihna tur leh India ram hnam puanzarin a entir, hnam hrang hrangte inkara inpum-khatna thuk zawk a awm theih nana duan ‘Tiranga Mahotsav – Tiranga Mela leh Tiranga Concert khuhhawnna’ hi Aizawl-a Vanapa Hall-ah neih niin he hun hi Art & Culture Minister C. Lalsawivunga chuan khuallian niin a hmanpui a, India ram zalenna champha vawi 75-na lawmna kalzel puala hun buatsaih, Tiranga Mahotsav hman a ni thei chu lawmawm a tih thu Minister chuan sawiin, India Flag hnuaiah hnam hrang hrang leh tawng hrang hrangte huang khatah kan luanza thu a sawi a, India Flag Tricolour-in a entir impumkhatna chu vawngnung theuh tur leh he hmalakna thlawpa ram leh hnam tana intukluhna thinglung nei deuh deuh turin he huna kalkhawm te chu a fuih a ni.

Tiranga Mahotsav hi Ministry of Culture, Govt. of India-in Har Ghar Tiranga programme a buatsaih hnuaia peng pakhat niin India ramin kum 75 zalenna a neih hriatrengna pualin kum 2022 atang khan hman tan a ni a. India rama hnam hrang hrangte chu India Flag hnuaiah zai khatah kan luangza a ni tih lantir nan, India flag chawisang tur leh Intin a India Flag zar tura hmalakna a ni a, chi tin leh hnam tinte inkara inpum-khatna tha a awm theihna tura hmalakna a ni bawk.

Tiranga Mahotsav hnuaiah hian India Flag kenga kawngzawh runpui - Tiranga Yatra te, hnam ro thil hlu leh thar chhuahte phochhuahna - Tiranga Mela te, hnam zai leh lamte-a intihhlimna - Tiranga Concert-te neih a ni bawk a. Mizoram-ah pawh hmun hrang hrangah Tiranga Mahotsav hi hman niin a lawmnapui ber hi Aizawl-a Vanapa Hall-ah neih a ni a, Mizote kutchhuak thil phochhuahna Stall engemaw zat siam niin zaithiam leh Band hrang hrang te, sikul naupangte leh 69th Batch Student, Institute of Music & Fine Arts, Art & Culture Department ten zai leh hnam lam hmuhnawm tak takte an entir bawk a ni. Tiranga Mela hian August 14, 2025 thleng neih tura ruahman a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »