Thenzawl-a Sawhthing sawngbawlna tur tlawh

Thenzawl-a Sawhthing sawngbawlna hmun tura ruahman (proposed site and existing buildings for Ginger processing) chu nimin khan Adviser to CM (Implementation of Hand-holding policy) Dr. KC Lalmalsawmzauva chuan a hmunah a tlawh a, sawrkar Department hrang hranga hotu paw-mawhte nen hmalak zel dan tur an sawiho nghal bawk.
Mizoram Sawrkar chuan man man zawka Sawhthing hralha, a hlutna tipung turin Mizoram hmun thenkhatah Ginger Processing Unit din tumin hma a la mek a, Thenzawl hi he Unit dinna tur hmun pakhat atana thlan a ni a. A hmun tura sawrkarin a en mek hi Thenzawl atanga km 5 vela hla, Thenzawl atanga chhimlam Lunglei Road-ah a ni a, helai hmun hi Adviser to CM Dr. KC. Malsawmzaua leh a Team te hian tlawhin a hmunhma te uluk takin an en a ni.

Adviser to CM in Sawhthing sawngbawlna tur hmun  ruahmanna a tlawhna ah hian Agriculture & Farmers' Welfare Department-a Special Secretary Ramdinliani bakah LP Lalchangkima, Member, MSPCC & SICA&AS and MD, ZIDCO. Zohmingthanga, Member MSPCC & MAMB. Laldikkimi, Member MSPCC & MAMB bakah SDO(C) Thenzawl, District Commerce & Industries Officer (DCIO) Serchhip, Land Revenue & Settlement Department aiawhte an tel a ni.