Serchhip District-a Muga Pangang khawina enfiah

Mizoram khaw pathum-a Muga Pangang khawi mek chu tun thla ni 19 leh 20 khan enfiah niin Thenzawl-a Muga Pangang khawi te pawh enfiah a ni.
Sawrkar laipui Ministry of Textile hnuaia Central Silk Board leh Mizoram sawrkar a Sericulture Department te tangkawp hmalakna in Mizoram chhunga khaw pathum- Tualcheng, Khawzawl leh Thenzawl-ah te Nipui lai a Muga Pangang khawi hi kalpui mek a ni a, he hmalakna hi tun thla ni 19 leh 20 khan enfiah niin a tawpna atan niminpiah khan Thenzawl-a Govt. Muga Farm an tlawh a, Muga Pangang te hi tun ang hunah hian Phai khawlum-ah an khawi hlawhtlin thin loh laiin Mizoram-ah chuan tha taka khawi mek a ni.

Pangang khawina enfiahtu Joint Supervision Team-ah hian Mizoram sawrkar-a Sericulture Department atangin Director V. Zothan-sanga te; Joint Director Lalrinawma leh Deputy Director B. Lalchhuana te telin Central Silk Board atangin Scientist-D mi pathum BN. Choudhury, Dr. BN. Sarkar leh Dr. Lalthlamuana Pachuau te an tel a. Central Silk Board atanga tel Scientist te chuan Mizoram chu Muga Silkworm khawina atan duhthusam a nih thu leh hun lo kal zel turah Mizoram-a theihna tam tak awm te chu tangkai lehzuala hman a nih theih nan theihtawp an chhuah tur thu an sawi a ni.

Hei bakah hian Muga Pangang khawi mek te chu tun din hmunah a hrisel that thu sawiin, Muga Pangang tui te hi kg. khat Rs. 20,000/- a ni a, Maimaw Pangang hi thlakhat chhung chauh khawi a nih avang thingtlang miten Muga Pangang te hi tih tak taka an khawi chuan thla khat chhung lekin cheng sing tel a lak luh theih thu te an sawi bawk.