Sawrkar Bill pakhat lut tawh

Tun thla ni 27 leh 28-a Mizoram Legislative Assembly Fur thutkhawm neih tura ngaihtuah turin sawrkar bill pakhat a lut tawh nia thudawn a ni a, Bill lut awmchhun hi Land Revenue & Settlement Department atanga lut 'The Mizoram Land Revenue Amendment Bill, 2025' a ni a. Official resolution pakhat EF&CC atanga lut awmin paper lay tur pahnih a awm tawh bawk. Hriat theih chinah Session-a tawngka-a chhan tur zawhna 'Starred Question' 242 leh ziaka chhan chi zawhna 'Unstarred question' 120 a lut tawh bawk. Tarlan tawh angin Speaker hova Bussiness Advisory Committee thukhawmin ruahmanna an siam dan chuan Session hi August ni 27 leh 28, 2025-ah neih a ni dawn a. Session tan ni-ah July ni 21,2025-a boral Dampa bialtu MLA Lalrintluanga Sailo sunna hun hman a ni ang.