Mumbai-ah Chief Secretary

Zonuna Kawlni /

Mizoram Chief Secretary Khilli Ram Meena chu tun thla ni 7 atang khan Mumbai-ah zinin Mumbai Mizoram House tlawhin Dy. Resident Commissioner H. Lalruatliana chuan a lo dawngsawng a, Mumbai Mizoram House-a damlo awm te chu an Room-ah theuh tlawhin thawktute nen damlo enkawlna chungchang leh Mizoram House siam chungchang te an sawiho a ni. Chief Secretary hian Maharashtra Chief Secretary Rajesh Kumar Meena chu a chenna Inah kawm bawkin, Navi Mumbai-a Mizoram House siam tum chung-chang a sawpui a. Maharashtra Chief Secretary chuan CIDCO Managing Director pawh phone a be nghal in thil awm dan te a zawh chian hnuah Mizoram sawrkarin extension permission dilna a thehluh tawh chu a rang lama lo enzui turin a hrilh nghal a ni. Chief Secretary hian TATA Memorial Hospital leh Mizo Cancer vei te inkara thawhhona tha neih a pawimawh thu sawiin, hemi chungchangah hian Maharashtra Chief Secretary chuan TATA Memorial Hospital thuneitute hnenah a tul anga ruahmanna siam turin ngenna a siam dawn tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »