LMC-a BoC thutkhawm nei

Zonuna Kawlni (LENKAWL) • August 11, 2025 • Comments • Mizoram

Lunglei Municipal Council (LMC) Board of Councillors (BoC) chu Zirtawpni khan BoC Meeting Hall-ah an Chairman Lalzuithanga kaih-hruaiin an thukhawm a, mipuite chhawk zangkhai nan Urban Transport hnuaia khawpui chhunga Bus service-tir tura lo rel tawh bawhzui dan tur sawihoin GIA hmanga hmalak dan ngaihtuahpui turin sawrkarah dilna thlen nise, Budget-ah telh tura chhawpchhuah nise an ti a. The Mizoram Urban Area Building Regulation 2024 chu Lunglei khawpui chhunga mipuite zawh tawka kalpui a nih theih dan tur sawiho bawkin siamrem ngai te a tul anga siamrem tura tih a ni a. Garbage Free City Project kalpui mekah Ward pali-ah hmalak mek a ni a. He'ng hmalakna atan hian ULB Grant Tied Fund, Sanitation and Solid Waste Component atangin cheng nuai 40 paawm a ni bawk.