MSU in CM hnenah an thlen

Mizo Students’ Union (MSU) General Headquarters hruaitute chuan niminpiah khan Chief Minister Lalduhoma chu a Pisa-ah hmuin an ngaihpawimawh zawng thil hrang hrang an sawipui.

He hunah hian MSU hruaitute hian Mizoram Public Service Commission (MPSC) hnuaia hna hrang hrang lak mekte leh la lak chhunzawm zel turte chak taka lak a nih theih nan Chief Minister hi an ngen a, Chief Minister chuan MSU te thu thlen hi pawimawh a a tih thu sawiin, theihtawpa hmalak pui a tum thu a sawi a. District hrang hrangah Exam Centre siam tul an tih thute an thlen bawk.

MSU hruaitute hian Department hrang hranga hna lak mek leh la lak turte chu Dan anga dik leh felfai taka la zel tur leh Dan lova hna a luh tum an awm a nih pawhin huaisen taka hnawl ngam turin an ngen a, Chief Minister chuan tunhnaiah Department hrang hrangah Dan hrul deuha hnathawk tam tak ten an thawh rei tak avanga nghet mai tura an inngaih avanga Dan ni lova ngheh phut an awm thin chu tha lo a tih thu MSU-hruaitute hi lo hrilhin, MSU pawhin sawrkar huaisen taka a kal ngam chu a thlawp tlat a, Dan ang thlap zela kal chhunzawm zel turin an ngen nghal bawk a ni.