MPSC buatsaihin Serchhip ah exam neih a ni

Mizoram Public Service Commission (MPSC) buatsaihin Mizoram Civil Services (Combined Competitive) Examination 2025 chu nimin khan Mizoram hmundang rualin Serchhip-ah pawh neih a ni.
Mizoram Civil Services (Combined Competitive) Examination 2025 hi District hrang hrang ah nimin khan neih niin Serchhip-ah chuan Govt. High School, Serchhip chu Exam Centre atan hman a ni a, tun tumah hian Serchhip District-a Exam tura Form thehlut mi 74 awmin an zinga pakhat hi PwBD a ni a, heng atang hian chawhma lamah mi 59 te exam in chawhnu lamah mi 58 an exam thung a ni.

Tarlan tawh angin tun tumah hian Preliminary Examination hi shift hnih (2)-ah thenin 1st Shift-ah Paper-I (General Studies) leh 2nd Shift-ah Paper-II (Aptitute Test) exam tir an ni a. Paper-II hi qualifying paper atan chauha hman niin he Paper-ah hian 33% tal candidate in a hmuh phak a ngai a. Paper-II a 33% hmu phak te zing atangin Paper-I a mark hmu sang apiang ten Preliminary Exam hi an paltlang dawn a ni.