Mi 14 te thiamloh chantir

Home Minister K. Sapdanga hovin nimin khan Committee on Prevention of Firecracker and other Pyrotechnic Materials chu thukhawmin nikum hunpui vuakvetah khan halpuah leh halmawi hal, lei leh hralh bakah siamchhuah kaihhnawihah mi 53 man niin heng zinga mi 14 te chu thiamloh chantir an nih thu tarlan a ni a. Kumin hunpui lo thleng turah mipui vantlang him zawkna tur leh boruak thianghlim zawk a awm theihna tura hmalak dan tur relin, Halpuah leh a kaihhnawih khapna tur Dan thar duan mek chu thlirho a ni bawk.