Man tlawm zawkin Sangha note hralhchhuah leh a ni

Zonuna Kawlni /

Serchhip-a District Fisheries Development Officer (DFDO) Office hmalakna in Serchhip District-a Sangha khawitute hnenah man tlawm zawkin Sangha note hralhchhuah leh a ni.
 Serchhip-a DFDO Office hian nimin zing khan an Office tual-ah Sangha khawitute tan man tlawm zawkin Sangha note hi an hralhchhuak a, heng Sangha note te hi Bilkhawthlir leh Chemphai vel atanga lain man tlawm zawkin pakhat Rs. 1/- hisap zelin an hralhchhuak a, Serchhip DFDO K. Lalmalsawma chuan kumin Fur chhung hian Sangha note nuai sarih (7) chuang an semchhuah tawh thu leh Supply Order thar an hmu leh a nih loh chuan tun tuma mi hi kumin atan chuan a hnuhnung ber tur a nih tawh thu a sawi a. Heng bakah hian Sangha chaw te pawh man tlawm zawka Sangha khawitu ten an lei theihna turin la chah leh an tum thu a sawi bawk.

Fisheries Department hian kumin hian Serchhip District chhunga khaw hrang hrangah Sangha note hi an semchhuak tawh a, Serchhip District Fish Farmers’ Association (SDFFA) hnuaiah Sangha khawitu inziaklut mi 350 vel an awm mek a ni. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »