Lok Sabha MP in BRO Director General a kawm

Mizoram Lok Sabha MP Richard Vanlalhmangaiha chuan Border Road Organisation (BRO)-a Director General, Lt. General Raghu Srinivasan chu niminpiah khan a Pisa-ah kawmin Mizoram tana thil pawimawh hrang hrang a sawipui.

Lok Sabha MP hi Border Road Organisation (BRO) Headquarters-ah kalin BRO Director General hi a kawm a, Mizoram chhunga BRO enkawl kawngte leh hmasawnna hrang hrang an thawh mekte chu chak lehzuala hma la turin a ngen a. PUSHPAK Project hnuaia RCC bridge thawh mek chawlh lailawk te chu chhunzawm vat a nih theih nana hma la turin a ngen bakah District pathum- Lawngtlai, Siaha leh Champhai District-a Land Acquisition la pek fel lohte chu a hma lama pekfel a nih thuai theih nan hma la turin a ngen bawk a. Siaha District-a Tipa-Laki-Lope-Lopu (LTTT Road) kawng laih meka Additionnal Compensation cheng vbc.82 la tang mek chu tifel thuai turin a ngen bawk.

He hunah hian Border Road Organisation (BRO) Director General, Lt. General Raghu Srinivasan chuan Mizoram-a an hna thawh mekte leh la thawh turte pawh a tha thei ang ber leh rang taka thawh a nih theih nan a hmalak nghal a nih tur thu Lok Sabha MP hi a lo hrilh a. Land Acquisition leh Compensation la pek loh chungchang pawh an ngaihtuah nghal tur thu a lo hrilh nghal bawk a. Mizoram-a an hnathawhte a hmun ngeia en a la tum thu a sawi bawk.