Hmarchhak-ah ramdang mi duh lovin pungkhawm

North East Students Organisation (NESO) huaihawtin MZP General Hqrs. chuan nimin khan Aizawl-a Vanapa Hall kawt-ah hmarchhak Bial-a ramdang mi an duhlohna tarlangin an pungkhawm. MZP huaihawt ‘Sit-in Protest against illegal immigration in North East States’ hi hmarchhak State dang ruala neih niin MZP President H. Lalthianghlima chuan hmarchhak State-ah ramdang mi, Bangladesh atanga lokal an tam avangin buaina hrang hrang a awm phah tih sawiin, Assam chu buai ber an ni tih a sawi a, Mizoram pawh harh thar an tul hle tih sawiin, Sawrkar chuan ruahmanna khauh tak siamin ramri venghim se an duh tih a sawi a ni. Hmarchhak State hrang hranga Zirlai Pawl te hian a rualin anmahni State Chief Minister hnenah Memorandum an thehlut nghal a ni.