Fa te School kal tir loh ah sawrkar vaukhan leh mek
Govt. Keitum H/S zirlai nu leh pa te hian Zirtawpni khan thuchhuah siamin he School-a Mathematics Zirtirtu an neih Lalhmangaihsanga chu kumin January ni 9 khan sawn tura Order tihchhuah a nih thu leh he thuchhuah hi khawtlang hruaitute leh Headmaster pawhin hre lovin January 21, 2025-ah Headmaster hian hmuin loh theihloh in hemi ni vek hian a release nghal niin an sawi a. Heta tang hian Mathematics Zirtirtu hi an neih tak loh thu leh an neih theihna turin an khaw-tlang hruaitu ten theihtawp chhuah thu an sawi a ni.
Zirlai nu leh pa te chuan Mathematics Zirtirtu an nei thei lo chu hrehawm an tih thu leh an fate zirna in nasa takin a tuar nia sawiin, August 14, 2025 zan-a Zirlai nu leh pa te inhmukhawm chuan an khawtlang hruaitute hmalak mekna a hlawhtlin thuai theih nan, August thla chhunga Zirtirtu hi an la nei lo a nih chuan September ni 1, 2025 (Thawhtanni) atangin tiamchin awm lovin an fate School kal tir loh a Zirtirtirtu zawng zawng School kal tur pawh dan nise an ti tih thuchhuah siamin an tarlang a ni.