Serchhip District-a khaw 7-ah raltlan 229 chhinchhiah
Serchhip DC Office atanga LENKAWL tin thu a dawn danin Serchhip District-a Myanmar ral-tlante tana Biometric Enrolment lak hna hi thla hmasa July 30-a Serchhip Chanmari VC Area a kalpui a hnuah tlung taka kalpui chhunzawm zel a ni a, Serchhip District tana he hna thawk tura Team siam pathum te chuan khaw hrang hranga kalin raltlante hi an kutzia leh pianphung te thla lain chhinchhiah zel an ni a, Serchhip Chanmari VC Area-ah mi 16 chhinchhiahin Serchhip Darnam VC Area-ah 45, Khawlailung-ah mi 6, Serchhip Dinthar VC Area-ah 65, Serchhip Kawnpui VC Area-ah 65, Leng-ah mi 29 leh Sailulak-ah mi pathum chhinchhiah an ni tawh a, an vaiin mi 299 chhinchhiah an ni tawh a ni.
Serchhip District-a he hna kalpui meka Nodal Officer Vanthangpuia, SDC huan raltlan te hi Relief Camp-a awm an awm loh thu sawiin, Serchhip District-a raltlan rawn lut an chhinchhiah zingah an ram lama kir leh te, chhungkua-a hmun danga insawn leh hnathawk-a hmundang leh ram lama lo riak te an awm thin avangin raltlan awm zat chhinchhiah ang chu data lak theihloh chang a awm thin tih a sawi a. Ruahman lawk ang chuan Vawiin hian Serchhip Hmar Veng leh Serchhip Field Veng VC Area-a raltlan awm te chhin-chhiah an ni leh dawn a ni.