Chhunkhah tuikhuah ah chesualin boral

Serchhip AOC Veng-a cheng HD. Malsawmpuia (14) chu nimin tlai khan Serchhip Entlang-a Chhunkhah-ah chesualin tui-ah a tlahlum a, a ruang hi nizan khan lumen a nih hnuah Vawiin hian vuiliam a ni ang.
Thudawn danin HD. Malsawmpuia s/o HD. Lalhmachhuana @Tutea (L) hi tunhnai khan an thian pakhat,Serchhip Vengchung-a mi chuan Weightlifting inelna State Level-ah Medal lain hemi lawmna atan hian nimin tlai khan an thianho-a chaw eikhawm an tum a, chaw ei hmain a thian dang pathum leh an hotu pakhat nen Serchhip Entlang, YMA Social Forestry-ah hian kalin a thiante hi Chhunkhah Tuikhuah-ah hian an cheng a, ani hi tuichen thiam lo a nih avangin a thiante hian cheng ve lo tura an ti chungin tui-ah hian a lut ve a, hetah hian talbuai zuiin a thiante hian chhan an tum a, amaherawh chu an chhan theih tak loh avangin tui-ah hian tlain a thih phah ta a ni.

Helai hmuna kal HD. Malsawmpuia thiante chuan vanduaina a thlen hun hi dar 4:30 vel nia an rin thu sawiin, chhan an tumna lamah hian theihtawp chhuah mah se an theih mai loh avangin midang an pun a, a hria apiang tlankhawm nghalin a ruang hi lakchhuah zui nghal a ni a, theihtawp chhuahin thawk tir tumin bei mah se chhan theih a ni ta lo a ni. A ruang hi nimin tlai vek khan an chenna, Serchhip AOC Veng-ah lak niin nizan khan lumen a ni a, Vawiin chhun hian vuiliam tura ruahman a ni.