Central Agricultural University hnuaia College of Horticulture, Thenzawl-a B.Sc Final year zirlaite chuan nimin khan KVK Kolasib-ah Rural Horticulture Work Experience – Internship Program bultanna hun an hmang a, KVK Kolasib Senior Scientist and Head, Dr. Michelle C. Lallawm-kimi chuan zirlaite chu lo dawngsawngin KVK Kolasib hmalakna thenkhatte chu a lo hrilhfiah a ni. College of Horticulture, Thenzawl-a B.Sc Final Year zirlaite hian KVK Kolasib-ah thla khat chuang zirna hun an nei dawn a, hemi hun chhung hian Kolasib-a Office leh hmun pawimawh tak tak te pawh tlawh tum a ni. Heng Zirlaite hi India ram hmun hrang hrang atanga zirlai mi 25 an ni a, Asst. Professor Dr. Lalhmingsanga’n a ho a ni.
