Bharat Forge Limited-te CSR hman dan tur sawiho

Zonuna Kawlni (LENKAWL) • August 20, 2025 • Comments • Mizoram

Higher & Technical Education Minister Dr.Vanlalthlana hovin nimin khan Bharat Forge Limited te CSR hmanga Mizorama hmalak dan tur sawiho a ni.

He sawihona Planning & Programme Implementation Committee Room-a neih ah hian LESDE Minister Lalnghinglova Hmar leh CSR Cell-a Chairman TBC. Lalvenchhunga bakah Dr. Leena Deshpande, Head of CSR, Bharat Forge Limited, CII Mizoram aiawh leh Official pawimawhte an tel a, Dr. Leena Deshpande hian an Company chanchin tlangpui leh CSR hmanga an hmalak tawh dan te, tunhnaia Nagaland State-a an hnathawh te a tarlang hmasa a. Skill development lam an ngaihpawimawh avangin Mizoram-ah pawh chumi lam hawi hmalakna chu kalpui theih nise thaa an ngaih thu a sawi a. India rama a hmasa ber leh a awmchhun ni tura AI IOT Robitics Skill School Lab. Mizoram din an duh thu a tarlang bawk.

Mizoram CSR Cell ten kumin kumtir lama CII nena tangkawpa Capacity Building Programmes an buatsaih khan Bharat Forge Limited CSR thuneitute hi an rawn tel a. Mizoram-ah an CSR hmanga hmalak an remti ta a. Hmalakna hi pahnih khat mai ni lo, a dang pawh neih chhoh zel an inhuam thu thlengin an sawi a ni.