A tha zingah Tawipui PHC

India rama sawrkar damdawi In tha bik tehna ah Tawipui PHC chu tling thar ve lehin damdawi In tha bik tehna, National Quality Assurance Standards (NQAS)-ah Tawipui PHC hian 84.78% an hmu a. Heti hian Mizoram chhunga HWC-PHC 58 awm zinga 29 chuan National NQAS Certificate an nei tawh a, Sawrkar damdawi In 42 te chu NQAS National Certificate nei tawh ni bawkin tunah hian sawrkar damdawi In 19-in State Level Certificate neiin National Certificate result nghak mek 2 an awm bawk a ni. National Quality Assurance Standards (NQAS) Certified damdawi In te hi endikna chhawng thum paltlang an ni a, a tawp bera endikna an hma-chhawn hi National External Assessment niin hetah hian 70% an hmuh chuan Certified an ni chauh thin a ni.