ZPM Chhung Inkhawm nei

ZPM Party chuan nimin khan Aizawl-a an Party Office-ah Chhung Inkhawm neiin ZPM Thalai President Jeje Lalpekhlua MLA chuan Opposition lam atangin an Minister-te hmalakna hrang hrangah mipui rilru hruaikawi thei tur zawnga beihna a awm fo tih sawiin, “Heng an beihna hrang hrang te hi a dik reng em? tiin ZPM Thalai ten kan theih tawkin kan chhui chiangin kan venpui thin a. Documents awm thei hrang hrangte kan lakhawm a, tun thleng hian kan Minister-te an beihna hrang hrangah thil dik lo leh fuh tawk lo chhuichhuah kan la nei lo a ni,” a ti a. “Sawrkar tharah chuan kan hlep tur aiin kan hna tur kan dah pawimawh tawh zawk a, a lawmawm ka ti hle a ni,” a ti bawk.