Sub-Hqrs. YMA Serchhip in Nominate siam loh rel

Sub-Hqrs. YMA Serchhip chuan kumin a Central YMA hruaitu thlanna neih turah Nominate siam loh nise an ti.
Inrinni khan Sub-Hqrs. YMA Serchhip hian Executive Committee neiin kumin-a YMA Inkhawmpui Lian vawi 75-na neih tur chungchang an thlirho a, kumin hi Central YMA hruaitu thlan kum niin he inthlanna ah hian Sub-Hqrs, YMA ten Nominate mi pathum thleng siam thei mah se Sub-Hqrs. YMA Serchhip chuan siam loh mai nise an ti a, Agenda leh Kumpuan Thupui atana rawt duh nei ten July thla chhungin thehluh nise an ti bawk a. Kum 2027-a YMA Inkhawmpui Lian Serchhip in a thlen theihna tura dil chungchang chu Town chhunga Branch YMA te leh NGO dangte rawnin la ngaihtuah nise an ti bawk.

Sub-Hqrs. YMA Serchhip SEC Meeting hi an President, Kawlthuama chuan kaihruaiin ‘Sub-Hqrs. YMA Hall’ an sak thar chu tun thla ni 31 khian hawn tum nise an ti a, heng bakah hian tun thla ni 26-ah Leadership Training leh Ruihhlo Do chungchang inzirtirna neih nise an ti bawk a. An pawl kalzelna tura tul leh pawimawh hrang hrang an sawiho bawk.