Serchhip-ah FLN zirho a ni

Samagra Shiksha, Serchhip District buatsaihin Zirtawpni (July 11, 2025) khan ‘Foundational Literacy and Numercy on NIPUN Bharat & ECCE training cum discussion’ chu Serchhip DIET Assembly Hall-ah neih a ni.
He zirhona leh sawihona huna tel tur hian Serchhip District chhunga sawrkar Primary School-a Headmaster leh Teacher Incharge bakah Private School-a Headmaster leh Teacher Incharge te sawm an ni a, khawtlang hruaitu lam atangin Joint VC, Sub-Hqrs. YMA Serchhip leh MHIP Sub-Hqrs. Serchhip aiawh mi pakhat theuh sawm an ni bawk a, Resource Person atan DIET Serchhip-a Lecturer Vanlalhruaii Thangluah leh Elizabeth Lalrinzuali te hman niin NIPUN Bharat leh ECCE kalpui leh hmalak dan tur chungchang chu kalkhawmte hnenah an sawifiah a, sawihona neih chhunzawm nghal a ni bawk.

Zirna kalphung thar New Education Policy (NEP)-2020 hnuaiah Sawrkar Laipuiin zirna kawnga hmasawnna atan Foundational Literacy & Numeracy (FLN) hi a ruahman a, hei hian a tum ber chu zirlai ten hriatthiamna nena a bulthut-a lehkha an zir a ni a, he hmalakna hnuaiah hian naupang kum 3-9 inkara in ziak, chhiar leh chhiarkawp te awmze nei zawka an zir thiam theih nan hmalak a ni a. FLN tihhlawhtlin nan leh hmalak chhoh nan Mission din niin chu chu NIPUN Bharat Mission tih a ni a. Kawng hrang hrangin hmalakna an kalpui mek a ni.