Serchhip YMA Office atanga zuangthla vuiliam a ni

Niminpiah tlai-a Sub-Hqrs. YMA Serchhip Office building chhawng chung atanga zuangthla Lalchhanchhuaha chu nizan hmasa khan boralin nimin khan vuiliam a ni.
Thudawnin Serchhip Field Veng-a khawsa Lalchhanchuaha (29) hi nimin-piah tlai dar 5:50 vel khan Serchhip Bazar Veng-a Sub-Hqrs. YMA Office chhawng lina-a a Varanda a Railing an siam ah lawn liamin Serchhip Bazar Tual lamah a zuangthla a, hliam na tak tuarin Serchhip damdawi In panpui nghal a ni a, amaherawh chu a hliam tuar lovin zan dar 11:30 velah a boral zui a, nimin khan vuiliam a ni.

Lalchhanchhuaha nupui nei tawh niin a nupui nen hian tunhnaiah harsatna neuh neuh an nei nia sawi te pawh a awm a. Vanduaina a thlen hunlai hian Serchhip Sub-Hqrs. YMA Office hi khar ni tawhin a hungna-ah lawn liamin a lut niin a lang a, he thil thleng hi mit-a hmutute pawh awmin a tlakna ah hian thisen tam tham tak a hloh a, a lu a sawh na hle niin a lang bawk.