Serchhip-ah Petrol harsa

Mizoram Tipper Association (MTA) Sub-Hqrs. Kolasib ten Sairang leh Kawnpui inkara kawng chhe zual lai an siam ah lirthei lian tlan an khap avangin Mizoram hmun hrang hrangah tuialthei harsatna a thleng chho a, Serchhip-ah pawh nimin lam khan Petrol leh Diesel lak tur a awm tawh rih lo a ni. Hetihlai hian MTA chuan nizan hmasa atang khan Oil leh Gas phur te chu kaltlang an remti a, hei vang hian Aizawl lamah chuan tuialhthei harsatna hi ziaawm chho tura beisei a ni a, Serchhip-ah erawh chuan Petrol leh Diesel rawn thlen hun tur hi hriat theih ala nih loh avangin eng chen nge Oil lak tur a awm dawn loh tih erawh hriat theih ala ni lo thung.