Serchhip-ah MJA Member tan ‘Media Workshop’ neih a ni

Information & Public Relation Department leh Mizoram Journalists’ Association (MJA) te tangkawp buatsaihin nimin khan Serchhip Press Club-ah ‘Media Workshop’ neih a ni.
    Nimin a he hun hman hi MJA Serchhip District-a Vice President Kapliana Pachuau chuan kaihruaiin Serchhip-a DIPRO leh I&PR Department-a Deputy Director Lalnunmawii chuan 'Traditional Media leh New Media' chungchanga District MJA Member te hriat tur, an kal zelna atana tul leh pawimawhte sawiin, MJA member te fuihna thu a sawi a, Vanneihtluanga paper buatsaih chu a chhiarchhuak bawk. Hemi hnu hian ‘Mizo Tawng ziah dan dik’ tih thupui hmanga Dr. H. Laldin-mawia thuziak chu MJA Serchhip District President C. Lalhminghlua chuan chhiarchhuakin he huna tel te hian an sawiho bawk a. Khawvel thang zela Social Media than chakzia leh chumi hmang tangkai thiam nih a pawimawhzia te zirho a ni a. Journalist-te chu Mizo tawng ziak hnem ber leh chhiartu ngah ber an nih avangin Mizo tawng dika chanchinthar an ziah leh puanchhuah a tulzia te sawiho a ni bawk.