NERPC Meeting-ah Mizoram P&E Minister a tel

Zonuna Kawlni /

North Eastern Regional Power Committee (NERPC) Meeting vawi 29-na chu nimin khan Guwahati-a Mayfair Hotel-ah neih a ni a, Mizoram atangin Power & Electricity Minister F. Rodingliana chu telin thu a sawi a ni.

He hunah hian P&E Minister F. Rodingliana chuan India hmarchhak State te'n NERPC kaltlanga Power Sector hnuaia hmasawnna tur sawrkar laipui-a an thlente nasa zawka nawr a tul thu a sawi a. Nikum a NERPC Meeting-a thurel, Small Hydro Incentive Scheme for North East-Ministry of New & Renewable Energy (MNRE) hnuaia Hydel Project Megawatt 24 chin siamna tur tanpuina pek thin tihtawp tak chhunzawm tura Sawrkar laipui-a thlen tawh, tun thlenga a hlawhtlinna hmuh la ni lo chu nasa zawka nawr leh a tul tih a sawi a. Tun tum Meeting-in a rel Net Present Value (NPV) chungchanga Central-a thlen turte pawh nasa taka bawhzui tlang turin NERPC member-te a sawm a ni.

NERPC hi India hmarchhak State 7 te'n power supply hnianghnar leh rintlak an neih theih nan Electricity Act, 2003 hnuaia din a ni a. NERPC Meeting kentel Technical Core Committee meeting chu July ni 17, 2025 khan neih niin an thurel zingah Forest Conservation Act, 1980 hnuaia Forest ram tihchhiat avanga sum tam tak chawi ngai thin, Net Present Value (NPV) chu hmarchhak State-te hmasawnna ruhrel siamna kawnga harsatna thlentu anih avangin he harsatna hi Sawrkar laipuia thlen nise tih a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »