NER SDG Index report-ah Hnahthial District titha ber

North Eastern Region (NER) District Sustainable Development Goals (SDG) Index Report (2023-24) vawi hnihna tihchhuah takah Hnahthial chu District titha ber an ni a, Champhai District chuan an dawt a ni.

NER SDG Index report hi NITI Aayog leh Ministry of Development of North Eastern Region (MoDoNER) buatsaih niin NITI Aayog chuan a tichhuak a, Mizoram District zawng zawng chu he Index Report-ah hian dinhmun tha takah an ding vek a, hmarchhak State pumpuia titha ber Hnahthial District Score hmuh zat chu 81.43 a ni a. Cham-phai District chu hmarchhak pumpuia titha ber dawttu niin 79.86 a hmu a, Top 10-a lang zingah Kolasib District chu tel bawkin 76.50 hmuin pakuana a ni.

NER SDG Index report hi nizan hmasa khan NITI Aayog hotute'n an tichhuak a, Mizoram bakah hian Sikkim leh Tripura-te chu State titha niin Mizoram chhungah chuan Lawngtlai District chu score a hniam ber a, 67.71 a hmu a ni.