Lok Adalat thutkhawm nei
Serchhip District Legal Services Authority buatsaiha Lok Adalat thutkhawm Serchhip District Court Building-a neih hi Josangzeli Tlau MJS-in kaihruaiin Conciliators Dr. Laldinpuia, Social Worker leh Lalrinhlua, Advocate ten an tawiawm a, tun tumah hian thubuai ngaihtuah tur 67 zet chhawpchhuah niin heng zinga thubuai 39 te chu chingfelin inremna siam a ni a, thubuai chinfel hlut zawng (Settlement Amount) hi Rs. 13,26,600/- a ni.
Lok Adalat hi mipui ten awlsam leh rang zawka sum leh pai sen ngai lova thubuai an chin-fel theihna hmun a ni a, Lok Adalat-a thubuai ngaihtuah tur hian sum senga mithiam rawih ngai lovin thubuai chi hrang hrang neite tan inremna siam thin a ni a. Rampum huap-a thutkhawm neih thin bakah tun tumah hian thubuai ngaihtuah tur a tam deuh avangin thutkhawm hi neih a ni a, District Legal Services Authority chuan a tul lem remchang a zirin khaw hrang hrangah ‘Mobile Lok Adalat’ pawh a buatsaih thin a ni.