LMC-ah BoC thutkhawm nei

Lunglei Municipal Council (LMC) Board of Councillors (BoC) thutkhawm vawi 11-na chu nimin khan BoC Meeting Hall-ah an Chairman Lalzuithanga kaihhruaiin neih a ni a, 'The Mizoram Urban Areas Building Regulations, 2024' chu LMC huamchhungah hman turin pawm a ni a, LMC atangin 'The Lunglei Municipal Council Building Regulations, 2023' chu Mizoram sawrkar ah pawmpui tura thehluh a nih laiin, sawrkar chuan 'The Mizoram Urban Areas Building Regulations, 2024' hmang zawk turin rawtna a siam a. He rawtna zulzui hian LMC huamchhungah he Regulations hi hmang turin an pawm a ni.

He huna tarlan a nih danin LMC hian Licensing Regulations hnuaiah phalna (licence) 2,237 pechhuak tawhin In sak dilna (building permission) lut 338 zingah phalna (No Objection Certificate) pekchhuah 233, nghah mek 92 leh pek theih loh 13 a awm a. LMC area hi km 153.659 bial (square kilometre) niin, LMC huamchhung ah mihring 75,000 awm anga chhut a ni bawk.